Joeks kemissie

Waat duit ein Joekskemissie en waat zien eur take binne de vereiniging?

Weej beginne idder jaor weer met ós leedjesmatinee. Heejveur nuuedige weej idderein idder jaor weer oet veur ‘t schrieve van ein leedje en al jaore lök det met hiel vuuel enthousiaste minse. De Joekskemissie zörg veur de rippetisie-aovende en veur de begeleiding van de leedjes.

Ouk prebere weej weer idder jaor te zörge veur ein deskundige vakzjurie die 50% van de stumme haet. De dreej winnende leedjes waere in ein Studio opgenaome en zien dan via de website
www.dewien.nl te downlaode. Taeves wuurt gezörg veur te optraejes van dees winnaers.

Binne ós kemissie hebbe weej nog ein aparte kemissie. Dees kemissie hilt zich bezig met ein van de grutste en belangriekste evenemente, ‘t PrinseGala. Op deze aovend wuurt ’t nieje Wientrio oetgerope, det ós det jaor veurgeit in de Vastelaovend. Ouk heejbeej zien weej al ein diek jaor van te veure bezig met ‘t regele van artieste, aete en vaerdere invöllinge

Ein ander hoeëgtepunt is de Prónkzitting, die weej halde in Domani in ’t centrum van Venlo. Met dees Prónkzitting zien weej ein wies twieë jaor van te veure al bezig um goje artieste te vinde en te kontraktere. Det is neet altied aeve mekkelik, umdet rónd dezen tied hiel vuuel zittinge zien, maar oetintelik lök ’t ós toch altied weer um ein erg good programma te prissentere.

De Joekskemissie besteit oet:

  • Ralph Roodbeen, veurzitter

  • Leo Hauser

  • Chris Hendriks

  • Sandra Faessen

  • John Storm

  • Ralph Roodbeen

  • Huub Beeren

Heb geej vraoge, dan kint geej óg melde beej de ónderstaonde kontakpersoeën.




Kóntakpersoeën: Ralph Roodbeen (Veurzitter)