Historie

 

 

Vastelaovesvereinging De Wien is ein van de grutste beej de BCL (Bond voor Carnavalsverenigingen Limburg) aangeslaote vastelaovesvereiniginge. De vereiniging is in 1967opgerich in ‘t buurtschap Maagdenberg te Venlo.

De naam is aafgeleid van de Wienhuuskes aan de Maagdenberg. Zie foto.

Tiejes ein gezelligen aovend in ‘t buurtkefee, woort door inkele minse ‘t idee geopperd um ein vastelaovesvereiniging op te richte met eine prins oet de umgaeving.

Prins meus idderein kinne waere en neet allein de veuraanstaonde minse in de stad.
Dit typeert ‘t soort minse die in ‘t buurtschap Maagdenberg destièds woeënde. Heej woeënde namelik vruuger vuuël gerdeneers, die eur bedrief in ‘t achterliggende gerdeneers-
gebied Greunveld hadde.
Noow de buurt is oetgebreid met vuuël niejbouw en ein gans niej stadsdeil, woeëne d’r nog steeds vuuel jóngere in de umgaeving wao zeej vruuger zien opgegreuid.

‘t Ierste evenement waas ein prinsebal. Op dit bal woort de nieje prins bekind gemak. Snel volgde nieje evenemente zoeëas ein zittingsaovend, leedjesaovend en receptie. ‘t Eige buurtkefee woort snel te klein veur de receptie en d’r deende ein andere accommodatie gezóch te waere. De stadsschouwburg geneump “de Prins van Oranje”, loog in ‘t buurtschap Maagdenberg en woort as meis ideale lokasie gekaoze.
Heej door kreeg De Wien bekindheid wies vaer boete de stad Venlo.

Taegeswäördig waere ’t Galabal, Receptie en de Prónkzitting in Domani gehalde in hertje stad.

Momenteel haet De Wien ein aantal vaste evenemente. Weej starte in september of oktober mit ‘t leedjesmatinee. Heej waere de dreej beste leedjes gekaoze veur ‘t nieje sezoen. Nao d’n elfde van d’n elfde volg ‘t “Aaftraeje met Joeks”. Det is ein bónte aovend mit ‘t optraeje van inkele artieste.

Tiejes dezen aovend traejt de Prins aaf. Metein nao de jaorwisseling kump de nieje Prins oet tiejes ‘t PrinsenGala. Dit is euverigens idder jaor de ierste Prins in Venlo dae bekind wuurt gemak.

D’n daag nao ‘t Prinsengala wuurt de vlag in top gehese as bliek van äöpening van d’n tied van Vastelaovend. Aansloetend is in Domani de Hierezitting.

Ouk aan de jeug wuurt aandach bestaejd. In samewerking met de Greuneveldschoeël, wuurt ein raod van elf en jeugtrio gekaoze, die tiejes de Joeksaovend bekind waere gemak.

Veur aanvang van de groeëte receptie, wuurt ein Heilige Mis georganiseerd in ‘t dialek. Deze wuurt gehalde in de H. Familiekerk te Venlo. In optoch geit ‘t ganse gezelschap dan nao Domani. Deze receptie wuurt door vuuël minse en vereiniginge bezóch.

Ein van de bekindste de Prónkzittinge, ein produk van De Wien, wuurt gehalde in ein jäörliks oetverkóchde Domani.

Daobeej hebbe ze ouk nog twieë kier per jaor ein groeëte kienaovend dae drök bezoch wuurt.

Daonaeve bezuk de Prins al jaorelangk, in samewerking mit de stichting Zonnebloem, kranke minse oet de buurt.

Geej zeet det De Wien ein sociale cultuurvereiniging is veur jónk en ald en stelt zich ten doel veur eur leje de Venlose Vastelaovend te bevordere en in stand te halde.

De vereiniging trach dit doel te bereike door ‘t organisere van allerlei aktiviteite wie vastelaoveszittinge en -bals, maar ouk door andere aktiviteite die dit doel kinne bevordere .


E-mail: info@dewien.nl

Residensie: Grand Kefee Maagdenberg